Uppskot til løgtingslóg um broyting í løgtingslóg um djórasjúkur

Í lógaruppskotinum verða djórasjúkulistarnir fluttir úr lógini yvir í kunngerð um djórasjúkur. Hetta ger tað skjótari, smidligari og lættari at dagføra og umsita listarnar við djórasjúkunum.

Í lógaruppskotinum verður tað eisini nágreinað, hvørjar heimildir landsdjóralæknin hevur í løgtingslóg um djórasjúkur.

Harafturat verður ásett í lógaruppskotinum, at kærur um tiltøk, forboð og boð, sum landsdjóralæknin hevur tikið fyri at niðurberja ella basa djórasjúkum, sum eru vandamiklar og kunnu spreiða seg skjótt, ikki hava steðgandi virknað, í ávísum førum.

Hetta broytir ikki rættin til at kæra avgerðir hjá landsdjóralæknanum.

Uppskot Til Broytingarløgtingslóg Um Broyting Í Løgtingslóg Um Djórasjúkur(005)